तस्वीरमा नयाँ नोट

काठमाडौं ।  हिन्दूहरुको महान चाड दशैंलाई लक्षित गर्दौ नेपाल राष्ट्र बैंकले आजबाट नयाँ नोट वितरण शुरु गरेको छ । 

राष्ट्र बैंकले आइतवारदेखि  सर्वसाधारणको लागि नयाँ नोट साट्न पाउने व्यवस्था गरेको हो । 

सर्वसाधारणले यही असोज २९ गतेसम्म नयाँ नोट साट्न पाउने राष्ट्र बैंकले जनाएको छ । 

नयाँ नोट ५, १०, २०, ५० रुपैयाँ दरका नयाँ २ र २ प्याकेट र १ सय रुपैयाँ दरका एक प्याकेट गरी जम्मा २७ हजार रुपैयाँसम्म प्रतिव्यक्ति सटही सुविधा राष्ट्र बैंकले दिएको छ । 

नेपाल बैंकको शाखा कार्यालय न्युरोड, किर्तिपुर, महाराजगंज, जोरपाटी, पाटन, औद्योगिक क्षेत्र, लाजिम्पाट र भक्तपूरमा नयाँ नोट सटहीको सुविधा छ । 

त्यसैगरी राष्ट्रिय वाणिज्य बैंकका कार्यालयहरु  सिहंदरबारप्लाजा, टेकु, नयाँ बानेश्वर, सानो ठिमी, बिशालबजार, नक्साल, कलंकी , बालाजुमा पनि नोट सटहीको सुविधा छ ।

कृषि विकास बैंकको शाखा कार्यालयहरु  गौशाला, कोटेश्वर, रामशाहपथ, रत्नपार्क, स्वयम्भु र मंगलबजार शाखाबाट पनि नयाँ नोट साट्न सकिनेछ ।

उपत्यका बाहिर भने राष्ट्र बैंकका क्षेत्रीय कार्यालयसहित नोट कोष रहेका वाणिज्य बैंकका शाखाबाट नयाँ नोट साट्न पाउनेछन् । 

तस्वीर: सरोज घिमिरे