काठमाडौं । अखिल नेपाल फुटबल संघ ‘एन्फा’ले शहिद स्मारक ‘ए’ डिभिजन लिग फुटबलको नयाँ खेल तालिका सार्वजनिक गरेको छ ।
बंगबन्धु गोल्डकपमा नेपाली टिमले सहभागिता जनाएपछि केहि समयका लागि स्थगित भएको ‘ए’ डिभिजन लिग यहि बुधवारबाट शुरु हुँदैछ ।
नयाँ खेल तालिका अनुसार बुधवार मच्छिन्द्र क्लबले च्यासल युथ क्लबको सामना गर्नेछन् ।
त्यस्तै, बिहीवार दुई खेल सञ्चालन हुनेछन् । जस अन्तर्गत फ्रेण्ड्स क्लब र थ्रिस्टारबीच पहिलो तथा जावलाखेल युथ क्लब र विभागिय क्लब नेपाल पुलिस क्लबबीच प्रतिस्पर्धा हुनेछन् ।
शुक्रवार हिमालयन शेर्पाले सशत्र प्रहरीको एपीएफ क्लबसँग तथा ब्रिगेड ब्वाइजले मनाङ मर्स्याङ्दी क्लबको सामना गर्नेछन् ।
यो खबर पढेर तपाईलाई कस्तो महसुस भयो ?
प्रतिक्रिया