काठमाडौं । नेपाली अल्ट्रा धाविका मिरा राईले ‘गेम चेन्जर अवार्ड’ जित्न सफल भएकी छिन् ।
एशिया सोसाईटीले प्रदान गर्दै आइरहेको ‘गेम चेन्जर अवार्ड’ अल्ट्रा धाविका राईले हात पार्न सफल भइन् । अमेरिकाको न्युयोर्कमा भएको विशेष कार्यक्रममा मिरालाई अवार्ड प्रदान गरिएको थियो ।
मिरासहित अन्य विभिन्न क्षेत्रका ९ व्यक्तित्वहरुलाई सो अवार्ड प्रदान गरिएको थियो । मिराले खेलकुदको माध्यमबाट समाजमा अभिप्रेणीत गर्ने कार्य गरेको कारण सो अवार्ड प्रदान गरिएको हो । राईले अल्ट्रा दौडमा धेरै अन्तर्राष्ट्रिय अवार्डहरु पनि हात पारिसकेकी छिन् ।
यसअघि मिरा नेसनल जियोग्राफीको ‘एडभेन्चर अफ दि इयर’ समेत घोषित भएकी थिइन् ।
यो खबर पढेर तपाईलाई कस्तो महसुस भयो ?
प्रतिक्रिया