काठमाडाैं : एनसीसी बैंकले अाफ्ना शेयरधनीका लागि जारी गरेको ५०% हकप्रद शेयर बेच्न असफल भएको छ । बिक्री प्रबन्धक सनरार्इज क्यापिटलका अनुसार कूल कित्तामध्ये ६०% का लागि मात्र लगानीकर्ताले अावेदन दिएका छन् । नबिकेको बाँकी ४०% शेयर (करिब ९३ लाख कित्ता) अब लिलाम गर्नुपर्नेछ ।
यो बैंकले २:१ अनुपातमा २ करोड ३३ लाख ९५ हजार २९१ कित्ता हकप्रद शेयर जारी गरेकोमा १ करोड ४१ लाख कित्ता हाराहारीमा मात्र शेयर बिक्री भएको छ । पहिलो चरणमा सबै हकप्रद नबिकेपछि १५ दिन समय थप्दा पनि बैंकको हकप्रदमा शेयरधनीहरूले रूची नदेखाएका हुन् ।
हकप्रद बेचेपछि प्राप्त रकमलार्इ बैंकले शाखा विस्तार र तरलता व्यवस्थापनमा खर्च गर्ने जनाएको छ । अहिले एनसीसीको चुक्ता पूँजी ४ अर्ब ६७ करोड ९० लाख ५८ हजार २ सय रूपैयाँ रहेको छ । हकप्रद बिक्रीपछि यो बैंकको चुक्ता पूँजी ७ अर्ब १ करोड ८५ लाख ८७ हजार ३ सय रूपैयाँ पु-याउने योजना समेत थियो ।
प्रतिशेयर आम्दानी २६ रूपैयाँ ५१ पैसा रहेको एनसीसीले गत आर्थिक बर्षभित्र १ अर्ब २४ करोड ९ लाख ९ हजार रूपैयाँ खुद नाफा कमाएको वित्तीय विवरणमा उल्लेख छ ।
यो खबर पढेर तपाईलाई कस्तो महसुस भयो ?
प्रतिक्रिया