काठमाडौं । प्रोफेसनल गल्फर शिवराम श्रेष्ठले सूर्य नेपाल सेन्ट्रल ओपनको उपाधि जितेका छन् ।
गोकर्ण गल्फ रिसोर्टमा बिहीवार भएको फाइनल चरणको खेलमा उनले उमेश नगरकोटी र धर्म थापालाई पार्दै उपाधि आफ्नो पोल्टामा पारेका हुन् । श्रेष्ठले समग्रमा १५ अण्डर खेल्दै उपाधि जितेका हुन् । यता दोस्रो स्थानमा चित्त बुझाएका नगरकोटीले ३ अण्डर खेलेका थिए ।
‘‘पक्कै पनि यो प्रतियोगिताको उपाधि जितेसँगै मेरो पनि मनोबल बढेको छ, खेलमा सफलता हात पारेपछि अर्को खेलमा झन उत्कृष्ट खेल्नु पर्छ जस्तो लागेको छ, यो उपाधिसँगै यहि अक्टोबरको अन्तिम सातामा हुने काठमाडौं ओपन गल्फमा राम्रो खेल्नेछु’’ उनले लोकपथलाई बताए ।
श्रेष्ठले यस प्रतियोगितामा उत्कृष्ट खेल खेल्दै शुखद शुरुवात गरेका थिए । उनले तेस्रो दिन बुधबार ३ अन्डर ६९ को स्कोर जोड्दै शीर्ष स्थानमा पकड कायम राखेका थिए । श्रेष्ठले उपाधिसँग नगद १ लाख २० हजार रुपैयाँ पनि हात पारे ।
उपविजेता बनेको रमेशले ७७ हजार, तेस्रो स्थान भएका थापाले ५५ हजार रुपैयाँ प्राप्त गरे । प्रतियोगितामा ३० व्यवसायिक र ११ एमेच्योरगरि कुल ४१ गल्फरहरु सहभागी थिए ।
यो खबर पढेर तपाईलाई कस्तो महसुस भयो ?
प्रतिक्रिया