मैत्रीपूर्ण खेलमा स्पेनको फराकिलो जीत

एजेन्सी । अन्तर्राष्ट्रिय मैत्रीपूर्ण खेलमा स्पेन विजयी भएको छ ।

वेल्सको घरेलु मैदानमा बिहीवार राति सम्पन्न भएको मैत्रीपूर्ण खेलमा स्पेनले वेल्सलाई ४-१ को फराकिलो गोल अन्तरले पराजित गर्न सफल भएको हो ।

खेल शुरु भएको ८ मिनेट पनि बित्न नपाउँदै स्पेनका लागि पाको एल्कासेरले गोल गर्दै टिमलाई शुरुवाती अग्रता दिलाए । त्यस्तै, १९ औँ मिनेटमा सर्जियो रामोसले गोल गरे । शुरुवाती समयदेखि नै वेल्सलाई दवावमा राखेको स्पेनका  लािग २९ औँ मिनेटमा पाकोले व्यक्तिगत दोस्रो तथा टिमका लागि तेस्रो गोल गरे ।

एक पक्षिय रहेको खेलको पहिलो हाफसम्म स्पेन वेल्सभन्दा ३-० गोल अन्तरले अगाडि रहेको थियो । दोस्रो हाफको ७४ औँ मिनेटमा स्पेनका लागि मार्क बाट्र्राले गोल गरे । यता खेलको ८९ औँ मिनेटमा साम भोकेसले एक मात्र सान्त्वना गोल फर्काए ।