प्रचण्डका छोरा प्रकाशको स्मृतिमा फुटबल प्रतियोगिता

दोलाखा– नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ का छोरा प्रकाश दाहालको स्मृतिमा दोलखामा सर्वाधिक राशिको ‘प्रथम प्रकाश स्मृति कप’ राष्ट्रिय फुटबल प्रतियोगिता आगामी मङ्सिरमा हुने भएको छ ।

पुनः सङ्गठित नयाँ सामाजिक शैक्षिक अभियानको आयोजना र दोलखा जिल्ला फुटबल सङ्घको सह–आयोजनामा आगामी मङ्सिर १ देखि ७ गतेसम्म सदरमुकाम चरिकोटमा प्रतियोगिता हुने भएको हो । सदरमुकाम चरिकोटमा आज पत्रकार सम्मेलन प्रथम प्रकाश स्मृति कप फुटबल प्रतियोगिताका बारेमा जानकारी दिइएको हो ।

चरिकोटस्थित टुँडिखेल मैदानमा हुने प्रतियोगितामा देशभरबाट १२ उत्कृष्ट टोली सहभागी हुने र सहभागीलाई खाना र बस्न समेतको व्यवस्था हुने आयोजक संस्थाका कार्यक्रम संयोजक मीनकुमार शिवाकोटीले जानकारी दिए । अनुसार प्रतियोगितामा प्रथम हुने टोलीले रु दुई लाख ५० हजार, द्धितीय हुनेले रु एक लाख २५ हजार र तृतीय हुने दुईवटा टोलीले रु ३०÷३० हजार नगद तथा शिल्ड, पदक र प्रमाणपत्र पाउने छन् ।