काठमाडौं । खोटाङमा गुडिरहेको बसमा आगलागी भएको छ । हलेसी तुवाचुङ नगरपालिका–१ बाहुनीडाँडाको कदुवा नजिकैको घुम्तीमा गुडिरहेको अवस्थामा बसमा अचानक आगलागी भएको हो ।
काठमाडौंबाट यात्रु लिएर खोटाङतर्फ आइरहेको बा३ख ८९८१ नम्बरको यात्रुवाहक बसमा आज साँझ आगलागी भएको थियो । आगलागीबाट बस र बसमा रहेका सामान जलेर नष्ट भएका छन् । तर, आगलागीबाट कुनैपनि मानवीय क्षति भने नभएको प्रहरीले जनाएको छ ।
बसमा आगलागी भएपछि त्यसमा सवार यात्रु अलपत्र परेका थिए। बसमा ३२ यात्रुहरु सवार रहेको जिल्ला प्रहरी कार्यालय खोटाङले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया