इन्डियन आइडल विजेता पवनदीपको ‘तिम्रो हाम्रो भेट कहिले हुने हो ?’

काठमाडौं । चर्चित गायन रियालिटी सो इन्डियन आइडल १२ का विजेता पवनदीप राजनको पहिलो सोलो नेपाली गीत ‘तिम्रो हाम्रो भेट कहिले हुने हो ?’ सार्वजनिक भएको छ ।

गीतकार आनन्द अधिकारीको शब्द रचना र लोकप्रिय संगीत निर्देशक शिखर सन्तोषको संगीत रहेको गीतलाई नेपालकै अग्रणी म्युजिक कम्पनी ‘म्युजिक नेपाल’ को च्यानल मार्फत गीत सार्वजनिक गरिएको हो । कैलास स्टुडियो मुम्बईमा रेकर्ड गरिएको गीतमा उदयराज पौडेलको एरेन्ज रहेको छ ।

पछिल्लो समयका चर्चित कलाकारहरु आकाश श्रेष्ठ र मल्लिका महतको अभिनय रहेको भिडियोको निर्देशन भुषण दाहालले गरेका हुन् । गीतको भावअनुसार भिडियो निकै आकर्षक र लोभलाग्दो बनेको छ । डोर बहादुर कटुवाल र प्रकाश गोपलीको सिनेमाटोग्राफी, पदम तिमिल्सिनाको सम्पादन रहेको भिडियोमा राजु याक्चाको सह–निर्देशन रहेको छ ।
भिडियो :-