काठमाडौं । नेपाली चलचित्र लाखेको गीत सार्वजनिक भएको छ । आईतवार काठमाडौंमा एक कार्यक्रमका बीच चलचित्रको ‘तिम्रो पिरेम’ बोलको गीत सार्वजनिक भएको हो ।
आगामी कात्तिक १८ गतेबाट देशभरका सिनेमा घरमा प्रदर्शनमा आउन लागेको चलचित्र लाखेमा सौगात मल्ल, अनुपविक्रम साही, वर्षा राउत, आर्यन अधिकारी, सुशील सिटौला, प्रशान्त ताम्राकार, अर्पण थापा, रोहित रुम्बा, सञ्जोग राणालगायतको अभिनय रहेको छ ।
सिजन अर्यालको कथा रहेको यस चलचित्रमा निर्माता पनि आर्याल नै रहेका छन् । निर्देशक सम्राट बस्नेतले निर्देशन गरेको यस चलचित्रमा हरिमल्ल ठकुरी कार्यकारी निर्माता रहेका छन् ।
कार्यक्रममा बोल्दै अभिनेता अनुपविक्रम साहीले चलचित्र राम्रो बनाउन सबै कलाकारहरुले मिहेनत गरेर काम गरेकाले चलचित्र चल्नेमा ढुक्क रहेको बताए । त्यस्तै, अभिनेता अर्पण थापाले चलचित्रले राम्रो माया पाउनेमा आफू आशावादी रहेको बताएका छन् ।
सुसन प्रजापतिको छायांकन रहेको फिल्ममा दीपक बज्रचार्यको संगीत, कविराज गहतराजको नृत्य निर्देशन र सम्राट बस्नेतको द्वन्द निर्देशन रहेको छ ।
फिल्मको यसअघि दुई पटकसम्म प्रदर्शनीको मिति सरेको छ । चलचित्र यसअघि भदौ ३१ गते प्रदर्शन हुने भनिएको फिल्म कात्तिक ११ गते प्रदर्शन गर्ने तय भएपनि महजोडीको महापुरुषको प्रदर्शनी रहेकाले पुनः लाखेको प्रदर्शन एक
हप्ता पछि सारिएको हो ।
यो खबर पढेर तपाईलाई कस्तो महसुस भयो ?
प्रतिक्रिया