‘पीपीएल’को ट्रफी फेवाताल किनारामा सार्वजनिक

पोखरा । भोली ‘शुक्रवारबाट’ शुरु हुने पोखरा प्रिमियर लिग क्रिकेट ‘पीपीएल’को ट्रफी सार्वजनिक गरिएको छ । 

बिहीवार फेवा तालको किनारामा एक कार्यक्रमको आयोजना गरि ट्रफी सार्वजनिक गरिएको हो ।  प्रतियोगितामा सहभागि ६ वटै टोलीका मार्की प्लेयर तथा कप्तानले ट्रफीलाई संयुक्त रुपमा सार्वजनिक गरेका हुन् । 

पहिलो संस्करणको यो प्रतियोगितामा ६ टिम आमने-सामने हुँदैछन् । प्रतियोगितामा विराटनगर टाईटन्स, चितवन राईनोज, पोखरा पल्टन, बुटवल ब्लास्टर, काठमाडौं रोयल्स र एक्स्पर्ट धनगढी ब्लुज रहेका छन् । 

शुक्रवार हुने उद्घाटन खेलमा विराटनगर टाईटन्सले पोखरा पल्टनको सामना गर्दैछ ।