काठमाडौं । सञ्चालनमा रहेका २६ वटा वाणिज्य बैंक, क्षेत्रिय तथा राष्ट्रियस्तरका समेत गरी १७ वटा विकास बैंक र १७ वटा फाईनान्स कम्पनी सहितका ६० वटा संस्थाहरुको कुल निक्षेप रकम ५१ खर्ब २९ अर्ब रुपैयाँ पुगेको छ । नेपाल राष्ट्र बैंकका अनुसार यही असोज ३० गते आईतबारसम्ममा बैंक तथा फाईनान्स कम्पनीहरुले उक्त परिमाणमा निक्षेप संकलन गरेका हुन् ।
यस अवधिमा वाणिज्य बैंकहरुले मात्र संकलन गरेको कुल निक्षेप रकम भने ४५ खर्ब १८ रुपैयाँ पुगेको राष्ट्र बैंकको भनाइ छ । विकास बैंक र फाईनान्स कम्पनीहरुले भने छ खर्ब १२ अर्ब रुपैयाँ निक्षेप संकलन गरेका छन् ।
राष्ट्र बैंकका अनुसार चालु आर्थिक बर्षको असोज मसान्तसम्ममा बैंक तथा फाईनान्स कम्पनीहरुले आफ्नो सात वटा प्रदेशका ७७ वटै जिल्लामा रहेका कुल छ हजार चार सय २० वटा शाखामार्फत ४७ खर्ब २२ अर्ब रुपैयाँ कर्जा प्रवाह गरेका छन् ।
उक्त कर्जा मध्ये वाणिज्य बैंकहरुले मात्र आफ्ना देशभर रहेका पाँच हजार ३१ वटा शाखामार्फत ४१ खर्ब ८२ अर्ब रुपैयाँ कर्जा प्रवाह गरेका छन् । सो अवधिमा विकास बैंक र फाईनान्ससमेत गरी ३४ वटा संस्थाहरुले आफ्ना १३ सय ८९ वटा शाखामार्फत पाँच खर्ब ४० अर्ब रुपैयाँ कर्जा प्रवाह गरेका छन् ।
बैंक तथा फाईनान्सको कुल शाखा संख्या :-
विवरण संख्या शाखा संख्या
वाणिज्य बैंक २६ ५०३१
बिकास बैंक १७ ११२०
फाईनान्स १७ २६९
कुल ६० ६४२०
(श्रोत नेपाल राष्ट्र बैंक)
यो खबर पढेर तपाईलाई कस्तो महसुस भयो ?
प्रतिक्रिया