काठमाडौं । शहिद स्मारक ‘ए’ डिभिजन लिग फुटबलको नयाँ खेल तालिका सार्वजनिक भएको छ ।
अखिल नेपाल फुटबल संघ ‘एन्फा’मा बसेको सोमवारको बैठकले दोस्रो चरणको खेल सञ्चालन गर्ने र नयाँ खेल तालिका सार्वजनिक गर्ने विषयमा छलफल भएको बताइएको छ । सो बैठकले आगामी मंसिर १ गतेबाट लिग पुनः सञ्चालन गर्ने निष्कर्ष निकालेको हो ।
‘ए’ डिभिजन लिग फुटबल दशैँ, तिहार र छठ पर्वका कारण स्थगित गरिएको थियो ।
असोज १३ गते शुरु भएको लिगको पहिलो चरणको खेलहरु पनि सम्पन्न भइसकेको छ । नयाँ खेल तालिका अनुसार मंसिर १ गते हुने दोस्रो चरणको पहिलो खेलमा मनाङ मस्याङदी क्लबले न्युरोड टिम ‘एनआरटी’ क्लबको सामना गर्नेछ ।
एन्फा कम्प्लेक्सको मैदानमा हुने सो खेल विहान ११ बजेपछि शुरु हुनेछ । त्यस्तै दोस्रो खेलमा विभागिय क्लब त्रिभुवन आर्मी क्लबले च्यासल युथ क्लबसँग भिड्नेछ ।
हेर्नुहोस नयाँ खेल तालिका
यो खबर पढेर तपाईलाई कस्तो महसुस भयो ?
प्रतिक्रिया