‘कुछ कुछ होता है २’ बन्ला?

मुम्बई । टिभीमा आउने कार्यक्रम ‘कफी वीथ करण’ले मार्केट खाइरहेको छ यतिबेला । करण जोहरले उक्त शोमा एक से एक बलिउडका सेलिब्रेटीलाई ल्याइरहेका छन् । उक्त शोमा केही दिनअघि मात्र रणवीर सिंह पनि देखा परे । उनी आएका थिए अर्का स्टार अक्षय कुमारसँग ।

उक्त शोमा करणले रणवीरले अबको फिल्मको कोसँग गर्न चाहन्छौ भनेर सोधे । उनले दीपिका कि आलिया भट्ट भनेर सोधेका थिए । दीपिकासँग चाहिँ रणवीरको बिहे नै हुँदैछ । करणको प्रश्नमा रणवीरले आफूले दुवै नायिकासँग काम गर्न चाहेको बताए ।

रणवीरले के समेत जोडे भने, करणले ‘कुछ कुछ होता है’ को सिक्वेल बनाऊन् । उक्त फिल्ममा दीपिका, आलिया र रणवीर कपूर पनि रहून् ।

करणको करिअरका लागि फिल्म ‘कुछ कुछ होता है’ महत्त्वपूर्ण फिल्म थियो । यसकारण पनि फिल्ममा यसको सिक्वेलका बारेका करण जोहरले सोच्नेछन् भनेर भारतीय मिडियाले विभिन्न कोणबाट समाचार लेखेका छन् ।