अफगानिस्तानविरुद्ध नेपालले खेल्ने भनिएको मैत्रिपूर्ण खेल रद्द

काठमाडौं । अफगानिस्तानसँग मंसिरको अन्तिम साता खेल्ने भनिएको मैत्रिपूर्ण खेल रद्द गरिएको छ । 

अखिल नेपाल फुटबल संघ ‘एन्फा’ले आगामी मंसिर २७ गते अफगानिस्तानसँग अन्तराष्ट्रिय मैत्रिपूर्ण फुटबल खेल्ने मिती तय गरेको थियो । तर, अन्तिम समयमा अफगानिस्तानले नेपालसँग खेल्ने भनिएको मैत्रिपूर्ण खेल स्थगित गरिएको बताइएको छ । 

एन्फा महासचिव ईन्द्रमान तुलाधरका अनुसार प्राविधिक कारणले नेपालले अफगानिस्तानसँग खेल्ने भनिएको मैत्रिपूर्ण खेल रद्द गरिएको लोकपथलाई जानकारी दिए । 

पछिल्लो समयमा ‘एन्फा’ले राष्ट्रिय टिमलाई वर्षैभरी व्यस्त राख्ने भन्दै विभिन्न देशसँग मैत्रिपूर्ण खेलको तालिका सार्वजनिक गरेको थियो ।