शनिवार खुल्ला कराँते प्रतियोगिता हुने

काठमाडौं । यहि शनिवार दोस्रो कोन्ज्योसोम खुल्ला कराँते प्रतियोगिता हुने भएको छ । 

 नेपाल सितोरियो कराते संघ, शाखा डोजो भारदेउको आयोजनामा हुन लागेको यो प्रतियोगितामा काठमाडौं, ललितपुर, भुक्तपुर र काभ्रेबाट करिब ४ सय ७० खेलाडीको सहभागिता रहने आयोजक डोजोका प्रमुख दिलबहादुर घलानले जानकारी दिए ।

प्रतियोगितामा विभिन्न २१ स्पर्धामा प्रतिस्पर्धा हुनेछन् । एकदिने प्रतियोगिताका खेलहरु कोन्ज्योसोम गाउँपालिकास्थित भारदेउमा हुनेछ ।