सुलभ मास्केले जिते वर्षको उत्कृष्ट गोलको उपाधि

अस्ट्रेलिया । नेपाली यू-१९ राष्ट्रिय फुटबल टोलीका पूर्व कप्तान सुलभ मास्केले अस्ट्रेलिया वर्षको उत्कृष्ट गोलको उपाधि जित्न सफल भएका छन् । 

अस्ट्रेलियन ‘एफए कप’को राउन्ड अफ—३२ को खेलमा मास्केले उत्कृष्ट गोल गरेका थिए । हेलेकिन एट्लेटिकका लागि उनले गरेको गोल ‘एएफए कप २०१८’ को उत्कृष्ट गोलको मनोनयनमा परेको थियो । 

त्यतिबेला सुभलको टिम वेस्टर्न सिड्नी वान्डरर्ससँग ४—३ गोलले पराजित भएको थियो । सो खेलमा उनले व्यक्तिगत दुई गोल गरेका थिए ।