काठमाडौं । समूह चरणबाट बाहिरिसकेको बार्सिलोनाले च्याम्पियन्स लिग फुटबल अन्तर्गत समूह सी को अन्तिम खेलमा भिक्टोरियालाई ४–२ अन्तरले पराजित गरेको छ ।
भ्रमणकारी टोली बार्सिलोनाले अन्तिम खेलमा सान्त्वना जितसहित च्याम्पियन्स लिगको सिजन टुंगाएको हो ।
बार्सिलोनाको जितमा फेरान टोरेसले दुई गोल गरे । यस्तै, मार्कोस एलोन्सो र पाब्लो टोरेले एक एक गोल गरे ।
भिक्टोरियाको लागि टोमसले दुई गोल गरे । मंगलबार राति नै भएको समूहको अर्को खेलमा बायर्न म्युनिखले इन्टर मिलानलाई २–० अन्तरले पराजित गर्यो ।
समूह सी मा बायर्न अपराजित रहँदा ६ खेलबाट १८ अंक जोड्दै शीर्षस्थानमा रह्यो । पराजित इन्टर समान खेलबाट १० अंक सहित दोस्रो स्थानमा रहेर अन्तिम १६ मा स्थान बनायो ।
यस समूहबाट ७ अंक जोडेका बार्सिलोना र बिना अंकको भिक्टोरिया पुछारमा रहँदै समूह चरणबाट माथि बढ्न सकेनन् ।
यो खबर पढेर तपाईलाई कस्तो महसुस भयो ?
प्रतिक्रिया