पोखरा । जारी पोखरा प्रिमियर लिग ‘पीपीएल’ क्रिकेट प्रतियोगिता अन्तर्गत बुटवल ब्लास्टर्स पराजित भएको छ ।
पोखरा रंगशालामा बिहीवार भएको खेलमा बुटवल ब्लास्टर्स धनगढी ब्लुजसँग २० रनले पराजित भएको छ । जारी खेलमा बुटवलले बेहोरेको यो दोस्रो हार हो ।
१ सय ६२ रनको विजयी लक्ष्य लिएर मैदानमा उत्रिएको बुटवलको पारी ६ विकेटको क्षतीमा मात्र १ सय ४१ रनमा समेटिएको थियो । बुटवलले ८ रनको बनाएको स्थितीमा पहिलो विकेट गुमाएको थियो ।
खराब खेल प्रर्दशन गरेको बुटवलले ६४ रन बनाउदा ५ विकेट गुमाइसकेको थियो । बुटवलका चिराग सुरीले नटआउट सर्वाधिक ७९ रनको योगदान दिए । रोहन मुस्तफा २० मात्र रन जोड्दै पेभेलियनमा फकिए । सिद्धान्त लोहनी १२ रन तथा भिम शार्कीले ५ रन बनाए । यता सागर पुनले १ रन मात्र जोडे ।
यसअघि टस जितेर पहिले ब्याटिङ गरेको धनगढीले निर्धारित २० ओभरमा ४ विकेट गुमाउँदै १ सय ६१ रनको योगफल तयार पारेको थियो । धनगढीका लागि कप्तान दीपेन्द्रसिंह ऐरी र ड्यानियल लरेन्सले अर्धशतकीय इनिङ्स खेल्दै चौथो विकेटका लागि शतकीय साझेदारी गरेका थिए । उनीहरुले १ सय ८ रनको साझेदारी गरेका थिए ।
कप्तान दीपेन्द्र ५६ रनमा अविजित रहे भने लरेन्सले ५२ रन जोडे ।
त्यस्तै पिटर ट्रेगोले १४ रन, ओपनरद्वय सुवेन्दु पाण्डे र दीलिप नाथले समान १०-१० रन जोड्दै पेभेलियनमा फर्किए । बुटवल ब्लास्टसका विपीन खत्रीले २ विकेट तथा रोहन मुस्ताफा र अविनाश बोहराले समान१-१ विकेट लिन सफल भए ।
जितपछि धनगढीले प्ले अफमा पुग्ने सम्भावनालाई बलियो बनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया