काठमाडौं । चलचित्र ‘चौका दाउ’ ले नयाँ गीत सार्वजनिक गरेको छ । फिल्म युनिटले ‘मेरो माया कतारमा’ बोलको गीत युट्युबमार्फत सार्वजनिक गरेको हो ।
सार्वजनिक गरिएको गीतमा संगीत शम्भुजित बाँस्कोटाको रहेको छ । यस्तै गीतमा संगीतकार बाँस्कोटा र सुमन गुरुङले स्वर दिएका छन् । गीतका शब्दलाई श्रीपुरुष ढकालले लेखेका हुन् ।
गीतमा यौवन झल्काउने भावनालाई व्यक्त गरिएको छ भने फिल्मका मुख्य कलाकारले भिडियोमा अभिनय गरेका छन् ।
सन्तोष पन्त, तैयाब शाह, विल्सन विक्रम राई, रविन्द्र झा, वर्षा राउत, निर्मल शर्मा, सोनिका केसी लगायतका कलाकारको अभिनय रहेको यो फिल्ममा दीर्घ गुरुङको सम्पादन रहेको छ । फिल्मलाई बसन्त श्रेष्ठले खिचेका हुन् भने सौर्यजित बाँस्कोटा र मनोज राजभण्डारीले निर्माण गरेका हुन् ।
पुर्णेन्दु झाले निर्देशन गरेको फिल्मले आउँदो पुस २७ गतेलाई रिलिज मिति तोकेको छ ।
यो खबर पढेर तपाईलाई कस्तो महसुस भयो ?
प्रतिक्रिया