ट्याक्सी चालक पिटेको आरोपमा आर्सनलका पूर्वस्ट्राइकर निकोलसलाई जेल सजाय

काठमाडौं । ट्याक्सी चालकलाई दुवर््यहार गरेको आरोपमा इंग्लिस क्लब आर्सनलका पूर्व स्ट्राइकर निकोलस बेन्डनरलाई जेल सजाय सुनाइएको छ । 

निकोलसले गत सेप्टेम्बरमा ट्याक्सी चालकसँग झगडा गर्दै कुटपिट गरेको सीसीटीभीमा देखिएपछि कोपनहेगनको जिल्ला अदालतले उनलाई दोषी ठहर गर्दै ५० दिनको जेल सजाय सुनाएको हो ।

तर, उनी आफ्नो न्यायका लागि उच्च अदालत जाने भएका छन् ।

जिल्ला अदालतमा भएको बहसमा निकोलसले ट्याक्सी ड्राइभरलाई पिटेको स्वीकार गरेका थिए ।