मुम्बई – बलिउडका दबंग भनिने सलमान खान पछिल्लो समय आफ्नो फिल्म ‘भारत’ को छायांकनमा व्यस्त छन् । फिल्मलाई राम्रो बनाउन उनी लामो समयदेखि खटिइरहेका छन् । यो फिल्म आउँदो जुनको इद पारेर रिलिज हुँदैछ । उक्त फिल्ममा सलमान खान स्टन्ट गर्दै गरेको देखिनेछन् ।
निर्देशक अली अब्बास जफरले ट्वीट गर्दै भनेका छन्, ‘भर्खरै भारत फिल्मको सबसे खतरनाक सीन पूरा भयो, यो सीन हो, मौतका कुवाको सीन, जसमा सलमान खानका लागि केही खतरनाक बाइक राइडर्सले स्टन्ट पूरा गरेका छन् ।’
यो फिल्मको शूटिङ माल्टामा पूरा भएको हो ।
यो फिल्ममा सलमान खानको रोल सबैभन्दा खास हुनेछ । सलमानले फिल्ममा १८ देखि ७० वर्षसम्मको सफर तय गर्नेछन् । ५२ वर्षका सलमान खान अलग–अलग लूकमा देखिनेछन् । फिल्मको अनुमानित बजेट १ सय ८० करोड रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया