काठमाडौं । युक्रेनमा रुसी आक्रमणले विश्वलाई जलवायु परिवर्तनसँग लड्ने प्रयासबाट विचलित गरेको युक्रेनका राष्ट्रपति भोलोदिमिर जेलेन्स्कीले बताएका छन् । मंगलबार इजिप्टमा कोप २७ जलवायु सम्मेलनमा एक भिडियो सन्देशमार्फत राष्ट्रपति जेलेन्स्की यस्तो धारणा राखेका हुन् ।
युक्रेनमा रुसले गरेको आक्रमणको विश्वव्यापी ऊर्जा आपूर्ति, खाद्यान्नको मूल्य र युक्रेनको जङ्गलमा परेको प्रभावलाई प्रकाश पार्दै उनले भने, ‘शान्ति बिना कुनै जलवायु नीति हुन प्रभावकारी सक्दैन । ’
उनले भने ‘रुसी युद्धले एक ऊर्जा सङ्कट ल्याएको छ जसले दर्जनौँ देशहरूलाई आफ्ना जनताको लागि ऊर्जा मूल्य कम गर्न कोइलाबाट चल्ने ऊर्जा उत्पादन पुनः सुरु गर्न बाध्य पारेको छ । ’ केही दिनअघि रुसले गरेको आक्रमणमा युक्रेनका महत्त्वपूर्ण पूर्वाधारमा ठुलो क्षति भएको थियो ।
यो खबर पढेर तपाईलाई कस्तो महसुस भयो ?
प्रतिक्रिया