काठमाडौं । युवापुस्तामाझ लोकप्रिय लेखक सुबिन भट्टराईको उपन्यास ‘समर लभ’ मा आधारित फिल्म ‘समर लभ’ को फस्ट लूक सार्वजनिक गरिएको छ । निर्माण टिमले फिल्मका केही पोस्टर सार्वजनिक गर्दै माघ २५ गतेलाई प्रदर्शन मिति तय गरेको हो ।
सार्वजनिक गरिएका पोस्टरमा फिल्ममा मुख्य कलाकार सुरजसिंह ठकुरी, नम्रता सापकोटा, रेवती क्षेत्री र आशिष पियालाई प्रस्तुत गरिएको छ ।
आशिष र रेवतीका लागि डेब्यु फिल्म ‘समर लभ’ को निर्देशन मुस्कान ढकालले गरेका हुन् । फिल्म पूरा हुन झण्डै एक वर्ष लागेको निर्देशक ढकालले बताए । उनका अनुसार उपन्यासको अपेक्षालाई पूरा गर्न खोज्दा फिल्म पूर्ण तयार हुन झण्डै एक वर्ष लागेको हो ।
सुबिनको उपन्यासलाई लेखक तथा पत्रकार सामीप्यराज तिमल्सेनाले पटकथामा ढालेका छन् । संवादमा भने लेखक सुबिन र सामीप्यराजकै मेहनत छ ।
चलचित्रमा खगेन्द्र श्रेष्ठ र इन्दु भण्डारीको लगानी छ भने विनोद अधिकारी कार्यकारी निर्माताका रुपमा छन् । यस्तै फिल्ममा पुष्पन प्रधानको संगीत छ भनेसञ्जय लामाले छायांकन गरेका हुन् ।
यो खबर पढेर तपाईलाई कस्तो महसुस भयो ?
प्रतिक्रिया