काठमाडौं । अभिनेत्री दीपशिखा खड्का र भारतीय मोडल अली खानले मुख्य भूमिका निभाएको चलचित्र ‘प्रेमलीला’ को गीत सार्वजनिक गरिएको छ । चलचित्र युनिटले फिल्मको पहिलो गीत सार्वजनिक गरेको हो ।
दुई देशको प्रेम सम्बन्धमा आधारित फिल्मको हिन्दी भर्सनको ‘जाने क्या हुवा ए’ बोलको गीत सार्वजनिक भएको हो ।
सार्वजनिक गरिएको गीतको भिडियोमा दीपशिखा र अलीलाई फिचरिङ गरिएको छ । पवन गौतमको छायांकन रहेको छ । यस्तै गीतका शब्दलाई डाक्टर सागरले लेखेका हुन् भने रविराज शाहले संगीत भरेका हुन् । उक्त गीतलाई राजा हसन र सौमी शैलेशले गाएका हुन् । यसअघि चलचित्रले फस्ट लूक सार्वजनिक गरेको थियो ।
चलचित्रमा नायिका खड्काको कथा रहेको छ भने फिल्ममा दीपशिखा र अलीसँगै मौसम खड्का, सुरज तमु, रेखा शाह, शर्मिला शर्मा, यस्तै भारतीय कलाकार अर्चना शुक्ला, ट्वीङ्कल श्रीवास्तव लगायतका कलाकारले अभिनय रहेका छन् । चलचित्रमा जनक पाण्डेको निर्देशन रहेको छ ।
यस्तै चलचित्र आउँदो माघ २५ बाट देशभर प्रदर्शन हुँदैछ ।
यो खबर पढेर तपाईलाई कस्तो महसुस भयो ?
प्रतिक्रिया