एजेन्सी । पोल्याण्डकी अग्नेस्का राडवान्स्काले खेल जीवनबाट सन्यास लिएको घोषणा गरेकी छिन् ।
पूर्व विश्व नम्वर दुई राडवान्स्काले सक्रिय खेल जीवनबाट सन्यास लिएकी बताएकी हुन् । २९ वर्षिया राडवान्स्काले २० वटा ‘डब्लुटिए’को उपाधि पनि जितीसकेकी छिन् । १३ वर्षे खेल जीवन बिताएकी उनी सन् २०१६ सम्म महिला वरियताको शिर्ष १५ मा पर्दै आइरहेकी थिइन् ।
सन् २०१२ को जुलाई ९ मा उनी महिला वरियतामा नम्बर दुईमा पुगेकी थिइन् । राडवान्स्काले सन् २०१६ को अक्टोबरदेखि कुनै प्रतियोगिताको उपाधि जित्न सकेकी छैन ।
अहिले वरियताको ७५ औँ स्थानमा रहेकी उनले सन्यास लिने यो नै सहि समय भएको प्रतिक्रिया दिइन् ।
यो खबर पढेर तपाईलाई कस्तो महसुस भयो ?
प्रतिक्रिया