सौगात र सलोनको हिरो बन्ने चक्कर (भिडियो)

काठमाडौं । अभिनेता सौगात मल्ल र सलोन बस्नेको मुख्य भूमिका रहेको फिल्म ‘घनचक्कर’ को गीत सार्वजनिक गरिएको छ । फिल्म युनिटले ‘हिरो’ बोलको गीत युट्युबमार्फत सार्वजनिक गरेको हो ।

गीतमा सौगात र सलोनको हिरो बन्ने रस्साकस्सी देखिन्छ । यस्तै फिल्मको गीतमा राजेश पायल राई र देव कोइमीको स्वर छ भने गीतमा देव कोइमी र विपिन आचार्यको शब्द तथा संगीत रहेको छ ।

चलचित्रमा सौगात र सलोनसँग फिल्मकी नायिका ममता प्रधानले कम्मर मर्काएकी छिन् । यस्तै फिल्ममा सरोज खनाल, आशान्त शर्मा, शिशिर भण्डारी, प्रवण भुसाल, जनक घर्ती मगर लगायतका कलाकारले अभिनय गरेका छन् ।

कागी लिम्बुले फिल्मको स्किृप्ट लेखेका ह्न् । हरि भट्ट र सूर्यनाथले निर्माण गरेको यो फिल्मलाई जीतेन्द्र राजोपाध्यले निर्देशन गरेका हुन् ।