समूह विजेता बन्दै इंग्ल्याण्ड नकआउट चरणमा

काठमाडौं । इंग्ल्याण्ड कतारमा जारी फिफा विश्वकप फुटबलको नकआउट चरणमा प्रवेश गरेको छ । मंगलबार राति भएको खेलमा वेल्सलाई ३-० गोल अन्तरले हराउँदै इंग्ल्याण्ड राउण्ड अफ १६ मा प्रवेश गरेको हो ।

खेलको ५० औं मिनेटमा राषफोर्डले गोल गर्दै इंग्ल्याण्डलाई सुरुआती अग्रता दिलाएका थिए । ५२ औं मिनेटमा फोडेनले गोल गर्दै इंग्ल्याण्डलाई २-० को अग्रता दिलाए ।त्यसपछि खेलको ६८ औं मिनेटमा राषफोर्डले व्यक्तिगत दोस्रो गोल गर्दै इंग्ल्याण्डलाई ३-० को जित दिलाए ।

जितसँगै इंग्ल्याण्ड समूह ‘बी’को विजेता बनेको छ ।

इंग्ल्याण्डले ३ खेलमा ७ अंक जोडेर शीर्ष स्थान हासिल गर्यो । वेल्स भने १ अंक जोडेर पुछारमा रहदै प्रतियोगिताबाट बाहिरिएको छ ।