अभिनयमा फर्किए गोक्ते काजी

काठमाडौँ । कलाकार रामचन्द्र अधिकारी अभिनयमा फर्किएका छन् । करिब तीन महिना अगाडि ‘मेरी बास्सै’ को सुटिङको क्रममा स्वास्थ्यमा समस्या देखिएको कारण अस्पताल भर्ना भएका उनी ठिक भएर अभिनयमा फर्किएका हुन् ।
ठिक भएपछि गत शनिबार ‘कान्छी’ र बिहिबार ‘मेरी बास्सै’ को सुटिङ गरेको अधिकारीले बताए । ‘पहिले भन्दा अहिले स्वास्थ्य अवस्था एकदमै ठिक छ । कमजोरी फिल भने भएको छ’ अधिकारीले भने ‘बिहानै सुटिङमा जान समस्या छ । खान खानु अगाडि एउटा इन्जेसन दिनुपर्छ । अन्य केही समस्या छैन ।’ अव नियमित अभिनय गर्ने उनले जानकारी दिए ।
अधिकारी बिरामी परेको कारण ‘मेरी बास्सै’ले उनको अभाव दर्शकलाई महसुस नहोस् भनेर बडाकाजीको रोलमा पाका कलाकार मुकुन्द श्रेष्ठ भित्र्याएको थियो । कान्छीले भने केही कथा परिमार्जन गरेको थियो ।