विश्वकपपछि कतारले आठ वटा स्टेडियममा के गर्छ ?

कतार विश्वकपमा अहिले सबैको नजर छ । अन्तिम १६ खेलहरू सकिएका छन् । फ्रान्स, साविक उपविजेता क्रोएसिया, ब्राजिल, अर्जेन्टिना, इंग्ल्यान्ड, नेदरल्यान्ड्स, मोरक्को र पोर्चुगलले अन्तिम आठमा स्थान बनाएका छन् ।

अब क्वाटरफाइनल र सेमिफाइनल खेल हुनेछन् । विश्वकपको फाइनल डिसेम्बर १८ मा हुनेछ । यसपछि कतारले विश्वकपका लागि बनाएको ८ वटा रंगशालाको प्रयोग हुने छैन ।

कतारमा फुटबल खासै लोकप्रिय छैन तर फिफा विश्वकपका लागि यहाँ आठ वटा विश्व स्तरीय रंगशाला निर्माण गरिएको छ । फिफा विश्वकप सकिएपछि उनीहरूलाई कसरी प्रयोग गर्ने भन्ने कतारसामु चुनौती हुनेछ। कतारले यसको समाधान खोजिसकेको छ ।

कतारका धेरै फुटबल स्टेडियमहरूलाई सपिङ मल, होटल र विद्यालयमा परिणत गर्नेछ। तीन रंगशालामा कुनै परिवर्तन हुनेछैन। त्यसमा फुटबल खेलाडीले मात्र अभ्यास र खेल खेल्नेछन् ।

रंगशाला किन प्रयोग हुन सकेको छैन ?

कतारमा फुटबल धेरै लोकप्रिय छैन। यस्तो अवस्थामा विश्वकपपछि कतारका ती फुटबल स्टेडियमहरूमा खेल्न वा अभ्यास गर्ने धेरै प्रयोगमा आउदैनन् । धेरै स्टेडियमहरू होटल र सपिङ कम्प्लेक्समा परिणत गरिनेछ ।

कतारमा फिफा विश्वकप आयोजना गर्न १२ स्टेडियम प्रस्तावित भए पनि पछि कतारको आग्रहमा फिफाले ८ वटा स्टेडियममा सहमति जनाएको थियो । फिफा विश्वकपको फाइनलमा ८०,००० दर्शक अटाउन सक्ने स्टेडियम आवश्यक थियो। यसबाहेक सेमिफाइनल खेलका लागि ६० हजार दर्शक क्षमताको रंगशाला आवश्यक थियो । सामान्य खेलहरू आयोजना गर्न ४० हजार दर्शक क्षमताको स्टेडियम आवश्यक थियो। तीमध्ये सातवटा स्टेडियम नयाँ बनाइएका छन्। सोही क्रममा खलिफा रंगशालाको मर्मत गरिएको थियो । यसमा करिब १८१२६ करोड रुपैयाँ खर्च भएको थियो ।

कतारका आठ रंगशालामा के होला ?

कतारका सबै आठ स्टेडियमहरू भविष्यमा फरक फरक प्रयोग हुनेछन्। तीनै रंगशालामा कुनै परिवर्तन हुने छैन । एउटा रंगशाला कतार राष्ट्रिय टोलीका लागि हुनेछ । जसमा सबै खेलाडीहरुले अभ्यास गर्नेछन् र कतारले अन्तर्राष्ट्रिय खेलहरु आयोजना गर्नेछ । सोही क्रममा फुटबल क्लबका लागि दुई रंगशाला बनाइने छ, जसमा क्लबका खेलाडीले अभ्यास र खेल खेल्नेछन् । साथै, केही स्टेडियमहरूबाट फ्लोर हटाइनेछ। यसबाट निस्कने स्टिल र सिट गरिब देशहरूलाई दान गरिनेछ जहाँ रंगशाला निर्माण गर्नुपर्ने हुन्छ ।

फिफा विश्वकपको आयोजकका अनुसार लुसेल रंगशालामा विद्यालय, पसल, क्याफे, खेलकुद सुविधा र क्लिनिक हुनेछन् । अल बायत स्टेडियममा पाँच तारे होटल, सपिङ मल र स्पोर्ट्स मेडिसिन क्लिनिक खोलिनेछ।

अहमद बिन अली स्टेडियम रेनाइस क्लबको घरेलु मैदान हुनेछ। अल जैनब स्टेडियम अल वक्राहको टोलीको घरेलु मैदान हुनेछ। कतारको राष्ट्रिय खेलकुद खलिफा रंगशालामा हुनेछ । यसमा २०२६ को विश्वकपका लागि छनोट खेलहरू पनि हुन सक्छन्। केही स्टेडियमहरू २०२४ मा हुने एसिया कपका लागि पनि प्रयोग गर्न सकिन्छ। कतारले सन् २०३६ को ओलम्पिक आयोजना गर्न पाएमा यी स्टेडियमहरू ओलम्पिकका लागि पनि प्रयोग गर्न सकिन्छ।