देशभर एनसेलको सेवा ठप्प

काठमाडौं । मोबाइल सेवा प्रदायक कम्पनी एनसेल आजियाटा लिमिटेडको नेटवर्क आज डाउन भएको छ । बिहीबार बिहानैदेखि कम्पनीको मोबाइल सेवा ठप्प भएको हो ।

मोबाइलमा डेटा तथा भ्वाइसका लागि नेटवर्क देखिए पनि फोन नलाग्ने र डेटाले काम नगर्ने समस्या छ । सडक विस्तारको क्रममा दमौली र सिन्धुलीमा अप्टिकल फाइबर चुँडिदा नेटवर्कमा समस्या आएको बताइएको छ ।

कम्पनीले आधिकारिक रूपमा के-कारणले  फोन तथा डेटा नेटवर्कमा समस्या आएको हो भन्ने कुरा भने खुलाएको छैन ।