हिमाचल निर्वाचन अपडेट : कांग्रेसको अग्रता बलियो, सात स्थानमा ५ सयभन्दा कमको मतान्तर

भारतकाे हिमाचल प्रदेशका सबै ६८ सिटका लागि प्रारम्भिक मत परिणाम बाहिरिएका छन्। पछिल्लो मत परिणाम अनुसार कांग्रेस सत्तारुढ भारतीय जनता पार्टीभन्दा अगाडि रहेको छ । निर्वाचन आयोगको पछिल्लो तथ्याङ्क अनुसार कांग्रेस ३८ सिटमा अगाडि छ र १ सिट जितेको छ । हालसम्म भाजपाले दुई सिट जितेको छ र २४ सिटमा अगाडि छ । तीन सिटमा स्वतन्त्र उम्मेदवार अगाडि छन् ।

तर, सात सिटमा भाजपा र कांग्रेसबीच कडा प्रतिस्पर्धा छ । यी सिटमा शीर्ष २ उम्मेदवारबीचको मत अन्तर ५ सयभन्दा कम छ । यहाँ सरकार बनाउन कुनै पनि दललाई कम्तीमा ३५ सिट चाहिन्छ ।

यसपटकको विधानसभा निर्वाचनमा ४१२ जना उम्मेदवार मैदानमा होमिएका थिए ।

भाजपा र कांग्रेसका उम्मेदवार को कहाँबाट अगाडि ?