यस्तो छ बलिउडकी प्रियंका चोपडाको नेपाली ‘पाहुना’ फिल्मको ट्रेलर (भिडियो)

काठमाडौं । बलिउड अभिनेत्री प्रियंका चोपडाको लगानी रहेको चलचित्र ‘पाहुना’ को ट्रेलर सार्वजनिक भएको छ । तीन बच्चाको कथामा निर्माण गरिएको उक्त फिल्मले नेपाली परिवेशको कथालाई उठान गरेको छ ।

पाखी ए टायरवालाले निर्देशन गरेको यो फिल्ममा इशिका गुरुङ र अनमोल लिम्बू मुख्य भूमिकामा रहेका छन् । यस्तै फिल्ममा मञ्जु केसी, शरण राई, विनोद प्रधान, उत्तम प्रधान, विनिता लगुन लगायतका कलाकारले अभिनय गरेका छन् ।

चलचित्रले बालमनोविज्ञानका माध्यमबाट दिदीभाइको कथा भन्न खोजेको छ । चलचित्रमा विश्वास तिम्सिनाका संवाद, रहुल धरुमानको डीओपी, सागर देसाइको संगीत, सर्वेश कुमार सिंहको सम्पादन रहेको छ ।

यो फिल्म सन् २०१८ को डिसेम्बर ७ अर्थात् नेपाली मितिअनुसार मंसिर २१ गते प्रदर्शन हुँदैछ ।