काठमाडौं । २२ औं संस्करणको विश्वकपमा पोर्चुगल क्वार्टरफाइनल खेलमा मोरक्कोसँग पराजित भयो ।
पोर्चुगल विश्वकपबाट बाहिरिएसँगै धेरै रोनाल्डोका फ्यानहरु स्तब्ध भए । त्यस्तै भारतीय क्रिकेटर विराट कोहलीले पनि रोनाल्डोका लागि एक भावुक पोस्ट लेखेका छन् ।
विराट कोहली आफ्नो सामाजिक सञ्जालमा लेखेका छन्- ‘कुनै पनि ट्रफी र उपाधिले तपाईंबाट यो खेल र विश्वभरका खेलका फ्यानहरुलाई दिएको कुरा खोस्न सक्दैन । कुनै पनि टाइटलले यो बताउन सक्दैन कि तपाईंले आफ्ना मानिसको जीवनमा कस्तो असर पार्नुभएको छ र जब म विश्वभरीका थुप्रै मानिसहरु तपाईंले खेलिरहेको हेर्दा कस्तो महसुस गर्छौँ ।’
‘यो भगवानको उपहार हो । यो एक आशीर्वाद जस्तै हो, तपाईं जतिबेला मैदानमा आउनुहुन्छ तपाईं कठिन परिश्रम र समर्पणको प्रतिक बन्नुहुन्छ । तपाईं कुनै पनि खेलाडीका लागि एक प्रेरणा हुनुहुन्छ । मेरा लागि तपाईं सर्वश्रेष्ठ हुनुहुन्छ ।’
यो खबर पढेर तपाईलाई कस्तो महसुस भयो ?
प्रतिक्रिया