कतार विश्वकप : पहिलो सेमिफाइनल खेलमा अर्जेन्टिना र क्रोएसिया भिड्दै

काठमाडौं । कतारमा जारी फिफा विश्वकप फुटबलको सेमिफाइनलका खेलहरु आज मंगलबारबाट शुरु हुँदैछ ।

पहिलो सेमिफाइनल खेलमा आज साविक उपविजेता क्रोएसिया र अर्जेन्टिना आमने सामने हुँदै छन् । अर्जेन्टिना र क्रोएसियाबीचको खेल नेपाली समय अनुसार राति १२:४५ बजे शुरु हुनेछ ।

दोहाको लुसेल रंगशालामा हुने पहिलो सेमिफाइनलमा मैदान उत्रदा अर्जेन्टिना र क्रोएसिया फाइनल पुग्ने योजनामा हुनेछ । अर्जेन्टिना लियोनल मेस्सीको कप्तानीमा हुने भने क्रोएसियाको कप्तानी लुका मोड्रिचले गर्नेछन् ।