यस्तो बनेर आयो ‘समर लभ’ फिल्मको टिजर (भिडियो)

काठमाडौं । चर्चित युवा लेखक सुबिन भट्टराईद्वारा लिखित उपन्यास समर लभमा आधारित चलचित्र ‘समर लभ’ को टिजर सार्वजनिक भएको छ । १ मिनेट ८ सेकेन्ड लामो टिजरमा अतित र सायाको कथानकलाई बुझाउन खोजिएको छ । फिल्ममा आशिष पिया र रेवती क्षेत्रीलाई मुख्य भूमिकामा देखाइएको छ ।

मुस्कान ढकालले निर्देशन गरेको यो फिल्मको कथा सुबिन भट्टराईको हो भने कथालाई स्किृप्टमा सामीप्यराज तिमिल्सनाले ढालेका हुन् । यस्तै फिल्मका संवादलाई सामीप्यराज तिमिल्सिना र सुबिन भट्टराईले लेखेका हुन् ।

चलचित्रमा खगेन्द्र श्रेष्ठ र इन्दु भण्डारीको लगानी छ । यस्तै, सोपन सरकार र मनोज बिक सह–निर्मातामा छन् । फिल्मलाई सञ्जय लामाले छायांकन गरेका हुन् ।

चलचित्र भ्यालेनटाइन डेको अवसर पारेर यसै वर्षको माघ २५ मा रिलिज हुँदैछ ।