पल र वर्षासँगै ‘वीर विक्रम २’ का केही तस्वीर बाहिरिए

काठमाडौं । चलचित्र ‘वीर विक्रम २’ को यतिबेला मनाङ र मुस्ताङमा छायांकन भइरहेको छ । मिलन चाम्सले निर्देशन गरेको या फिल्मको छायांकन स्थलबाट केही तस्वीरहरु बाहिरिएका छन् । फिल्मको छायांकनका लागि निर्माण टिमको जम्बो टोली मुस्ताङ पुगेको थियो ।

निर्माण टिमका अनुसार त्यहाँ अहिले एक गीतको छायांकन भइरहेको छ । गीतमा सिनेमाका मुख्य कलाकार पल शाह, वर्षा सिवाकोटी, नाजिर हुसेन, विनिसा भण्डारीलाई लगायतले अभिनय गरेका छन् ।

यो फिल्मलाई चाम्स इम्टरटेनमेन्ट र लण्डन सिने आईको सयुक्त ब्यानरमा निर्माण गर्न लागेको हो । चलचित्रमा अपर्ण सापकोटा सह–निर्माताको रुपमा छन् ।

निर्देशकले चाम्सले बताएअनुसार यो गीतको छायांकन झण्डै २३ लाख रुपैयाँ बराबरको लगानीमा भइरहेको छ । चलचित्रमा रञ्जीत गजमेरको संगीत, कुसुम गजमेरको शब्द रहेको गीतमा तारा प्रकाश लिम्बु र मेलिना राईको स्वर सुन्न सकिनेछ ।

चलचित्रमा पल शाह, वर्षा सिवाकोटी, नाजिर हुसेन, विनिसा भण्डारीका अलवा, बुद्धि तामाङ, बालकलाकार मनिष लिम्बु, देशभक्त खनाल, शिशिर राणा, मनोज केसी, सन्तोष खनाल, क्षितिज शाक्य लगायतका कलाकारको अभिनय देख्न सकिनेछ ।

यस्तै फिल्मको कथा प्रदीप भारद्वाजले लेखेका हुन् भने वनिष शाहले सम्पादन गर्नेछन् ।