पञ्जाब लिजेन्डविरुद्धको खेलमा सन्दिप विकेट विहीन, केरला नाइट्स ३६ रनले पराजित

काठमाडौं । नेपाली क्रिकेटर सन्दिप लामिछानेले संयुक्त अरब इमिरेट्स ‘युएई’मा जारी टी–१० क्रिकेट च्याम्पियनसिपको चौथो खेलमा भने कुनै विकेट लिन सकेनन् । 

लगातार उत्कृष्ट प्रर्दशन गर्दै आइरहेका लामिछानेले चौथो खेलमा भने विकेट लिन असफल भए । उनले २ ओभरको खेलमा २८ रन खर्चिदा समेत विकेट लिन असफल भए ।

शुरुवाती तीन खेलमा ६ विकेट लिएका उनले चौथो खेलमा भने कुनै जादु देखाउन सकेनन् ।

चौथो खेलमा उनको टिम केरला नाइट्स पञ्जाब  लिजेन्डसँग ३६ रनले पराजित भयो । सन्दिप मात्र १ रनमा नटआउट रहेका थिए भने क्रिस गेलले सर्वाधिक ३५ रनको योगदान दिए ।