काठमाडौं । अन्नपूर्ण मिडिया नेटवर्क जारी पाँचौ सेन्चुरी बैंक कर्पोरेट सुपर सिक्सेस् क्रिकेट प्रतियोगिताको प्रि-क्वाटरफाइनलमा प्रवेश गरेको छ ।
किर्तीपुरस्थित त्रिवी क्रिकेट मैदानमा भएको आफ्नो समूहको पहिलो खेलमा अन्नपूर्णले इसेवालाई ३६ रनले पराजित गर्दै अघिल्लो चरणको यात्रा तय गरेको हो ।
टस हारेर पहिले ब्याटिङ गर्ने निम्तो पाएको अन्नपूर्ण मिडिया नेटवर्कले निर्धारित ५ ओभरमा मात्र १ विकेट गुमाउँदै ७८ रनको योगफल तयार पारेको थियो । अन्नपूर्ण मिडिया नेटवकका लागि बसन्त खत्रीले अविजित ३५ रनको सर्वाधिक योगदान दिए ।
त्यस्तै विभु श्रेष्ठले पनि अविजित ३३ रन जोडे । ७९ रनको विजयी लक्ष्य लिएर मैदानमा ब्याटिङ गरेको इसेवाको पारी २ विकेटको क्षतीमा मात्र ४२ रनमा समेटिएको थियो ।
अन्नपूर्ण मिडियाका लागि बसन्त खत्री र बलिराम यादवले समान १-१ विकेट हात पारे । अब अन्नपूर्ण मिडिया नेटवर्कले समूहको दोस्रो खेल भोली ‘बुधवार’ सुविसुविरुद्ध खेल्नेछ ।
जारी प्रतियोगितामा २४ कर्पोरेट टिमको सहभागिता रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया