तेलुगु फिल्म उद्योगका दिग्गज अभिनेता चलपति रावको निधन

काठमाडौं । भारतीय तेलुगु फिल्म उद्योगका दिग्गज अभिनेता चलपति रावको हृदयघातका कारण निधन भएको छ । आफ्नै घरमा हृदयघात भएका अभिनेताको घटनास्थलमै मृत्यु भएको हो ।

७८ वर्षीय अभिनेताको निधनले उनको परिवार र फ्यानहरु स्तब्ध भएका छन् । अभिनेता लामो समयदेखि स्वास्थ्य समस्यासँग जुधिरहेका थिए ।

चालपति राव लामो समयदेखि अभिनयबाट टाढा थिए । उनी कमेडी र खलनायकको भूमिकाका लागि परिचित छन् । आफ्नो करियरमा उनले करिब ६ सय बढी चलचित्रमा काम गरेका छन् । उनले ‘साक्षी’, ‘ड्राइभर रामुडु’ र ‘वजराम’ जस्ता हिट फिल्ममा काम गरेका थिए ।