काठमाडौं । अक्षयकुमार र रजनीकान्त स्टारर फिल्म ‘२.०’ बिहीवारदेखि रिलिज भयो । रजनीकान्त र अक्षयकुमारको करिअरको यो फिल्म सबैभन्दा बढी महंगो फिल्म पनि हो । यो फिल्मलाई भारतीय फिल्म इतिहासको सबैभन्दा महंगो फिल्म पनि भनिएको छ ।
फिल्मको कुल बजेट ५ सय १४ करोड बताएको छ निर्माण टिमले । फिल्मलाई रजनीकान्तका फ्यानले निकै रुचाएका छन् ।
कैयन् सिनेमाघरका बाहिर जहाँ रजनीकान्तको विशाल पोस्टर या मूर्ति राखिएको थियो, त्यहाँ फ्यानले नाचगान समेत गरेका छन् । फिल्म चलिरहेका बेलाको एउटा भिडियो भाइरल भइरहेको छ ।
भिडियोमा देखाइएको छ कि, सिनेमाघरमा फोटोग्राफी भएको छ र मान्छे हलभित्र नै नाचगान गरिरहेका छन् । जसका कारण फिल्मको स्क्रिनिङ नै रोकिएको छ ।
उक्त भाइरल भिडियोमा फिल्म तीन मिनेट रोकिएको समेत लेखिएको छ । जब फिल्ममा रजनीकान्तको इन्ट्री हुन्छ, त्यतिबेला नाचगान गर्न फिल्म नै रोकिएको थियो ।
यो फिल्ममा रजनीकान्तसँगै अक्षयकुमार र एमी ज्याक्सनको पनि मुख्य भूमिका रहेको छ । फिल्मलाई शंकरले निर्देशन गरेका हुन् ।
The movie has been paused for 3 minutes. Thalaiva's first look in the movie is being celebrated in style? #2Point0 #2Point0Release #2Point0FDFS #2Point0Fromtoday @TheQuint pic.twitter.com/FqE65cuHq0
— Bilal Jaleel (@baelal23) November 29, 2018
यो खबर पढेर तपाईलाई कस्तो महसुस भयो ?
प्रतिक्रिया