सरकार गठनको चौथोँ दिन सेयर बजारमा देखिएन उत्साह, दोहोरो अंकको गिरावट

काठमाडौं । नयाँ सरकारसँगै दुई दिन हरियाली छाएको सेयर बजार कारोबारको चौथोँ दिन बजार ओरालो लागेको छ ।

सोमबार र मंगलबार सुधार देखिएको सेयर बजारमा बुधबार ११ दशमलव ८१ अंकको गिरावट आएको छ ।

त्यससँगै बजार १ हजार ९ सय ७२ बिन्दुमा रोकिएको छ ।

आज कुल २ अर्ब १५ करोड ३५ लाख ४७ हजार २ सय ७ अंकको कारोबार भएको छ ।

कारोबारको क्रममा तीन वटा कम्पनीको शेयर मूल्यमा सकारात्मक सर्किट लागेको छ । त्यसो त नयाँ सरकार गठन सरकार गठन भएसँगै दुई दिनमा ११६ अंकले बढेको थियो ।

बजार बढेको मौका छोपी ट्रेडर हाबी हुँदा बजारमा असर परेको हो ।