काठमाडौं । यहि मंसिर अन्तिम सातामा दोस्रो बाह्रखरी कर्पोरेट गल्फ प्रतियोगिता हुने भएको छ ।
बाह्रखरी मिडिया प्रा.लिको आयोजनामा हुन लागेको यो प्रतियोगितामा गोकर्ण गल्फ क्लबमा हुने आइतवार काठमाडौंमा पत्रकार सम्मेलनको आयोजना गरि जानकारी दिइयो ।
ग्लेनेइगल्सद्वारा डिजाइन गरिएको एक दिने प्रतियोगितामा एक सय भन्दा बढी कर्पोरेट गल्फरको सहभागिता रहने पनि पत्रकार सम्मेलनमा जानकारी दिइयो ।
प्रतियोगिता १८ होलमा ३ र ४ हेन्डीक्याम्प स्टेबलफोर्ड फर्मयाटमा खेलाइनेछ । प्रतियोगितामा होल इन वन गर्नेले गाडी पुरस्कार प्राप्त गर्नेछन् । प्रतियोगिताको विजेताले २४ क्यारेटको सुनको गल्फ बल प्राप्त गर्ने छन् ।
त्यस्तै बेष्ट ग्रस, लंगेष्ट डाइभ, क्लोजेस्ट टु द पिन तथा मोस्ट बर्डिज खेल्ने खेलाडीले पनि पुरस्कार हात पार्नेछन् । गत वर्ष यो प्रतियोगिताको उपाधि क्याप्टेन नोर्बु शेर्पाले जितेका थिए ।
यो खबर पढेर तपाईलाई कस्तो महसुस भयो ?
प्रतिक्रिया