धनगढी । नेपाली कांग्रेसले आज सुदूरपश्चिम प्रदेश संसदीय दलको नेता चुन्दैछ । यसका लागि निर्वाचन कार्यतालिका निकालिएको छ ।
आजै मतदान गर्ने गरी उपसभापति लोकराज अवस्थीको संयोजकत्वमा गठित निर्वाचन समितिले निर्वाचन कार्यतालिका सार्वजनिक गरेको हो ।
कार्यतालिका अनुसार दिउँसो १२ बजे मतदाता नामावली प्रकाशित, १२ः३० मा दाबी विरोध पेस, १ बजे अन्तिम नामावली प्रकाशन तथा साढे १ देखि साढे २ बजेसम्म उम्मेदवारको मनोनयन दर्ताको समय दिइएको छ ।
पौने तीन बजे उम्मेदवारको नामावली प्रकाशन, ३ देखि ३ः३० सम्म उम्मेदवार उपर दाबी विरोध, चार बजेसम्म अन्तिम नामावली प्रकाशन र ४ देखि ५ बजेसम्म मतदान हुने निर्वाचन समितिले जनाएको छ ।
दलको नेतामा उम्मेदवार बन्नेका लागि २५ हजार रूपैयाँ शुल्क तोकिएको छ । मतदान कांग्रेस प्रदेश कार्य समितिको कार्यालय परिसरमा हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया