मुम्बई । बलिउड अभिनेत्री प्रियंका चोपडाले आफू भन्दा १० वर्ष कान्छा अमेरिकी गायक निक जोनाससँग विवाह बन्धनमा बाँधिइन् । विवाहपछि प्रियंका र निकको पहिलो तस्बिर सार्वजनिक भएको छ ।
सोमबार उनीहरु जोधपुरस्थित विमान स्थलमा पुगेका थिए भने त्यहाँ उनीहरुलाई हेर्न ठूलो संख्यामा फ्यानहरु पुगेका थिए । सो क्रममा प्रियंका र निकले शुभेच्छुकलाई अभिभादन गरेका थिए ।
विमानस्थलमा प्रियंकाले पिंक कलरको साडी पहिरिएकी थिइन् भने उनको सिउँदो सिन्दुरले भरिनुका साथै गलामा मंगलसूत्र पनि पहिरिएकी थिइन् । निक भने ब्राउन कलरको आउट फिटमा देखिएका थिए । सो क्रममा प्रियंकाले पति निकका साथ रोमान्टिक पोज दिएको तस्बिर भारतीय सञ्चारमाध्यमले प्रकाशित गरेका छन् ।
उनीहरुको एक र २ डिसेम्बरमा हिन्दु र क्रिस्चियन परम्पराअनुसार विवाह भएको थियो । विवाह समारोहमा बलिउड स्टारहरु भने देखिएनन् ।
यो खबर पढेर तपाईलाई कस्तो महसुस भयो ?
प्रतिक्रिया