काठमाडौं । राष्ट्रिय खेलकुद परिषद् ‘राखेप’को आयोजनामा पारा राष्ट्रिय खेलकुद च्याम्पियनसिप शुरु भएको छ ।
लगनखेलस्थित आर्मी शारीरिक तालिम तथा खेलकुद केन्द्रमा भएको प्रतियोगिताको खेलकुद परिषद्का उपाध्यक्ष पिताम्बर तिम्सिनाले उद्घाटन गरे ।
सो अवसरमा उपाध्यक्ष तिम्सिनाले खेल सञ्चालनका सम्बन्धित संघका प्रतिनिधिलाई खेल सामाग्रीका साथै आर्थिक सहयोग पनि हस्तान्तरण गरेका थिए । कुल ४० लाख रुपैयाँ हस्तान्तरण गरिएको थियो ।
पुस १५ गतेसम्म चल्ने प्रतियोगितामा पारासँग सम्बन्धित विभिन्न १५ संघका १८ खेलको प्रतिस्पर्धा हुनेछ । प्रतियोगितामा १ हजार १ सय खेलाडीले १ सय ५० स्वर्णका लागि प्रतिस्पर्धा गर्नेछन् ।
यो खबर पढेर तपाईलाई कस्तो महसुस भयो ?
प्रतिक्रिया