काठमाडौं । जारी शहिद स्मारक ‘ए’ डिभिजन लिग फुटबल प्रतियोगिता अन्तर्गत मनाङ मस्याङदी क्लबले आफ्नो अपराजित यात्रालाई कायमै राखेको छ ।
सातदोबाटोस्थित एन्फा कम्प्लेक्सको मैदानमा बुधवार भएको खेलमा मनाङ मस्याङदी क्लबले जावलाखेल युथ क्लबलाई १-० गोल अन्तरले पराजित गरेको हो । जारी लिगमा मनाङले छैटौँ जीत हात पारेको हो ।
प्रतिस्पर्धात्मक खेलको पहिलो हाफसम्म दुवै क्लब गोलरहित बराबरीमा रोकिएका थिए ।
खेलको ६२ औँ मिनेटमा मनाङका अडेलाजालाई जावलाखेलका खेलाडीले लडाएपछी रेफ्रिले पेनाल्टी हान्ने मौका प्राप्त गरेको थियो । सो पेनाल्टीलाई सदुपयोग गर्दै अन्जन विष्टले गोल गरे ।
निर्धारित समयसम्म जावलाखेलले पनि केही गोल गर्ने मौका पाएपनि सदुपयोग भने गर्न सकेन र खेलमा हार बेहो¥र्यो । जीतपछि मनाङ मस्याङदी क्लब १८ अंकका साथ लिगको शीर्ष स्थानमा यथावत रहेको छ ।
मनाङले लिगको दोस्रो स्थानमा रहेको संकटाविरुद्ध ३ अंकले अग्रता बनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया