यी चर्चित नेताको के होला भविष्य ? यी हुन् चर्चित नेताहरु

आगामी मंसिर १० गते हुन लागेको निर्वाचनका लागि आज मनोनयन दर्ताको कार्यक्रम रहेको छ । ३२ जिल्लाका ३७ निर्वाचन क्षेत्रमा आज उम्मेदवारी दर्ता हुन लागेको हो ।निर्वाचनमा एमाले र माओवादी केन्द्रको बाम गठबन्धन रहेको छ भने कांग्रेसले पनि केहि जिल्लामा नयाँ शक्ति र राप्रपा प्रजातान्त्रिकसँग तालमेल गरेको छ ।वाम गठबन्धनमा ३७ निर्वाचन क्षेत्रमध्ये एमालेले २१ सिट र माओवादीले १६ सिट भाग पाएका छन् । यस्तै कांग्रेसले ३४ सिटमा उम्मेदवारी दिँदा नयाँ शक्तिले २ र राप्रपा प्रजातान्त्रिकसँग १ सिटमा तालमेल गरेको छ ।३२ जिल्लामा ३७ सिटका लागि उम्मेदवारी दर्दा हुँदै गर्दा केहि हेभिवेटका नेताहरु समेत चुनावी मैदानमा खडा भएका छन् ।नेकपा एमालेका सचिव योगेश भट्टराईकले ताप्लेजुङबाट उम्मेदवारी दिँदैछन् । यस्तै माओवादीको तर्फबाट सिन्धुपाल्चोक २ बाट अग्नी सापकोटा, नुवाकोट १ बाट हितबहादुर तामाङ, लमजुङबाट देव गुरुङ, गोरखा २ बाट नारायणकाजी श्रेष्ठ, जाजरकोटबाट शक्तिबहादुर बस्नेत, रोल्पाबाट वर्षमान पुन, कालीकोटबाट महेन्द्र बहादुर शाहीले प्रतिनिधिसभामा उम्मेदवारी दिँदैछन् ।यस्तै गोरखा २ मा पूर्वप्रधानमन्त्री बाबुराम भट्टराईको उम्मेदवारी परेको छ । गोरखा २ मा माओवादी केन्द्रका नारायणकाजी श्रेष्ठ र भट्टराईबीच रोचक भीडन्त हुने देखिएको छ ।यस्तै नेपाली कांग्रेसबाट ओखरढुंगाबाट रामहरि खतिवडा, सिन्धुपाल्चोक १ बाट मोहन बहादुर बस्नेत, नुवाकोट १ बाट रामशरण महत, नुवाकोट २ बाट अर्जुन नरसिंह केसी, मनाङबाट टेकबहादुर गुरुङ, गोरखा १ बाट चीनकाजी श्रेष्ठको उम्मेदवारी रहने छ ।यता सिन्धुपाल्चोक २ बाट पशुपतिशमशेर राणाको उम्मेदवारी रहनेछ ।