काठमाडौं । संकटा क्लब शहिद स्मारक ‘ए’ डिभिजन लिगको दोस्िरो स्थानमा उक्लिएको छ ।
हल्चोक मैदानमा शनिवार भएको सातौं चरणको दोस्रो खेलमा संकटाले न्युरोड टिम ‘एनआरटी’लाई १-० गोल अन्तरले हराउँदै लिगको दोस्रो स्थानमा उक्लिएको हो ।
प्रतिस्पर्धात्मक खेलको पहिलो हाफसम्म दुवै क्लब गोल रहित बराबरीमा रोकिएका थिए । दोस्रो हाफमा केही सुधारिएको खेल खेलेको संकटाका लागि अफ्रिकन खेलाडी म्यासवेलले गरेको एक मात्र गोल नै निर्णायक बनेको थियो ।
निर्धारित समयसम्म एनआरटीले पनि केही गोल गर्ने मौका पाएपनि सदुपयोग भने गर्न सकेन र खेलमा हार बेहो-र्यो ।
जितपछि संकटा क्लबले १८ अंक बनाएको छ । लिगको शीर्ष स्थानमा रहेको थ्रीस्टारको पनि समान अंक नै छ ।
यो खबर पढेर तपाईलाई कस्तो महसुस भयो ?
प्रतिक्रिया