क्यालिफोर्नियामा गोली चल्दा ६ महिने बच्चा र आमासहित ६ जनाको मृत्यु

काठमाडौं । क्यालिफोर्नियाको गोशेनमा अन्धाधुन्ध गोली चलाएर ६ जनाको हत्या गरिएको छ । मारिनेमा १७ वर्षीया आमा र उनको छ महिनाको बच्चा पनि छन् ।

हत्यामा लागुऔषध गिरोहको हात रहेको हुनसक्ने अनुसन्धानकर्ताहरूको अनुमान छ । घटनामा संलग्न दुई जनाको खोजी भइरहेको प्रहरीले जनाएको छ ।

प्रहरी अधिकारी बोउडरेउक्सका अनुसार हत्याराले एउटा घरमा गोली चलाउँदा ६ जनाको मारिएका हुन् ।

यो परिवारलाई जानाजानी निशाना बनाइएको र आक्रमणमा एउटा गिरोह संलग्न रहेको देखिन्छ । एक हप्ता अघि पीडितको घरमा लागूऔषध खोजी वारेन्ट जारी गरिएको थियो ।